Егде тартқан адамдардың көңілі нәзік. Жақсылыққа қуанып, кикілжіңге лезде қамығады. Шымкенттік өнерпаздар ата-әжелердің көңілін әнмен көтерді. Мамыр мерекелеріне орай мегаполистегі мәдениет қызметкерлері қарттар үйіне арнайы барды.
Жез таңдай ерлер, күміс көмей қыздар өнер ұжымы бұл шарада барын төкті. Ата-ана, туған жер, отан, жайлы әндерін арнап қарттардың құлақ құрышын қандырды. Ал той әндерін нәшіне келтіре орындағанда аталар сыздаған балдырын ұмытып балаша биледі.
«№10 арнаулы әлеуметтік қызметтер көрсету орталығы» 2023 жылғы 30 қаңтардағы құрылған. Қызмет алушылардың санаты: I, II топтағы мүгедектер және егде жасына байланысты өзіне қызмет көрсетуге мүмкіндігі жоқ адамдар. Орталыққа қарттардың көңілін аулау үшін келетіндер көп екен.
Орталық 7 бағыт бойынша жұмыс жасайды Мақсат қызмет алушыларға қолжетімді, жан-жақты, сапалы, уақытылы және бос уақытты тиімді пайдалануға арналған қызметтерді ұсыну. Қазіргі таңда орталықта 49 адам қызмет алуда. 34 қызмет алушы - ер адам; 15 қызмет алушы - әйел адам.