Ұлт қайраткері Жұмабек Тәшеневтің туғанына биыл 110 жыл! Шымкенттегі Тәшенев университетінің ұйымдастыруы, қала әкімдігінің қолдауымен республикалық ғылыми-тәжірибелік конференция өтті. Бұл шара қазақ тарихындағы көрнекті тұлғаның есімін ұлықтап, оның елге сіңірген еңбегін жаңа қырынан талқылауға арналды.
Конференцияға еліміздің белгілі ғалымдары, тарихшылар мен зерттеушілер, қоғам қайраткерлері, студенттер қатысты. Жиында тұлғаның саяси қызметі, Қазақстанның жерін сақтап қалудағы рөлі, ұлттық экономиканы дамытудағы бастамалары жан-жақты қарастырылды.
РАХМАН АЛШАНОВ, ҚОҒАМ ҚАЙРАТКЕРІ, ҒАЛЫМ
//Каспидің өзін 24 жыл бөле алмай жүрді, жақында бөлді. Сол қарасаңыздар жерге талас деген әлі болып жатыр. Қазақтар жер аударамыз дегендет Орынборда, бірігеміз деген кезде қосыламыз деген//
Жұмабек Тәшеневтің Кеңес билігі кезінде Қазақстан аумағын сақтау жолындағы табанды күресі туралы ерлігін ел біледі. Сондай-ақ, қайраткердің ұлттық мәдениет пен руханиятты дамытуға қосқан үлесі ерекше айтылды. Тұлғаның есімін ұлықтау, ұмытпау, мұрасын насихаттау ұрпақтан ұрпаққа жалғасу керек деген пікірлер айтылды.
ЗАУЫТБЕК ТҰРЫСБЕКОВ, МЕМЛЕКЕТ ҚАЙРАТКЕРІ, САЯСАТКЕР
//Біз Жұмабек Ахметұлы Тәшеневпен көп араластық. Ол кезде жаспыз, комсомолдамыз. Мен ол кісінің өмірімде «қазақ жерін сақтап қалдым» деген сөзін естіген емеспін//
Қазақ жерінің тұтастығын сақтап қалудағы Тәшеневтің ерлігі – елдіктің символы. Ал ұстанымы – кейінгі ұрпаққа үлгі. Мұндай шаралар оның ел тарихындағы рөлін айшықтап, ұрпақ санасын жаңғыртудағы маңызды қадам болмақ – дейді келушілер.
СӘРСЕН ҚҰРАНБЕК, ШЫМКЕНТ ҚАЛАСЫ ӘКІМІНІҢ ОРЫНБАСАРЫ
//Бұл жерде ең бастысы елдің осы кісіге деген ықыласы. Оған негізгі себеп ол кісінің кезінде еткен еңьбегі, атқарған жұмысы арқылы халықтың ықыласына бөленуі. Қазақ жақсының аты өлмейді дейді//
Конференция аясында Жұмабек Тәшеневтің өмірі мен еңбегі жайлы арнайы кітап көрмесі жинақталған. Архив құжаттары мен сирек кездесетін фотосуреттер көптің назарына ұсынылды.