![](https://img.aimaqtv.kz/200x300/https://ontustiktv.kz/storage/2024/06/10/kSW3JJot0TheJs33iGDgwuRMrsoTYj5mMZdfX5C0.jpg)
1986 жылы Мақтаарал ауданында туған.
Білімі жоғары, М.Әуезов атындағы ОҚМУ түлегі.
Еңбек жолын 2005 жылы «Қазақстан» АҚ ОҚО филиалында офис-менеджерліктен бастаған. 2019 жылға дейін жаңалықтар бөлімінің редакторы, жетекші-редактор, диктор. “Объектив”, “Денсаулық”, “Заңайна”, “Ақиқат”, “Білім бұлағы”, “Оңтүстіктің оңды істері” тағы да басқа түрлі әлеуметтік-экономикалық, қоғамдық-саяси ток-шоулар мен заңнамалық телебағдарламалардың авторы әрі жүргізушісі.
2019 жылдан бастап Түркістан облыстық денсаулық сақтау басқармасының баспасөз хатшысы, «HANTV» арнасының Бас редакторы, 2020 жылдан 2023 жылға дейін «Шымкент ақпарат» орталығында контент-менеджер, Шымкент қаласының кәсіпкерлік және индустриалды-инновациялық даму басқармасының баспасөз жетекшісі.
2023 жылдың сәуір айынан республикалық «El.kz» ақпараттық порталының Шымкент-Түркістан қалаларындағы тілшісі, сонымен қатар 2023-2024 жж. Шымкент қаласы №2 Оқушылар сарайының Бұқаралық бөлім меңгерушісі қызметтерін атқарған.
ҚР Журналистер Одағының мүшесі.
Қ.Қазиев атындағы сыйлықтың иегері.
ОҚО Сотының Құрмет грамотасы мен облыстық, қалалық, аудандық әкімдердің алғыс хаттарымен марапатталған.
Бір үйдің түтінін түтеткен сүйікті жар, аяулы ана.