1 сәуір – Халықаралық күлкі күніне орай белгілі сатирик, қоғам қайраткері Көпен Әмірбектің 75 жылдығына арналған «Шымкент Думан» республикалық әзіл-сықақ фестивалі қорытындыланды. Екі күнге созылған өнер додасында әзілкештер көрерменге қоғамдағы түрлі мәселелді қалжыңмен астарлап, әлеуметтік тақырыптарды қағытпа сөзбен жеткізді. Тулип холда өткен іс-шарада қазылар алқасының төрағасы Бауыржан Ибрагимов жеңімпаздардың атын атап, марапаттады.
Әзіл-сықақ фестивальіне Алматы қаласы, Түркістан, Қызылорда, Шығыс Қазақстан облыстарынан театр ұжымдары келген. Сарапшылар мықтылардың арасынан үздігін таңдау қиынға соққанын айтты.
АРМАН АЛИЕВ, ҚАЗЫЛАР АЛҚАСЫНЫҢ МҮШЕСІ
---- Күлкі силайтын, халыққа қызмет етіп жүрген азаматтардың үлкен мерекесі. Көңілі жабырқау жүрген халыққа кеше таңертеңнен кешке дейін күлкі сыйланды халық күліп отырды. Келген қатысушылар бірінен бірі өтеді шынын айту керек. Мықтыларға жеңіс тілеймін әрине. Тартыстар болды. Әсіресе бас бәйгемен бірінші орынның қатты тартыс болды. Дауысқа салып соңғы төрағаның бір дауысыменен жеңімпаз анықталды.
Сондай-ақ сарапшылар сапында сатира саңлағы Көпен Әмірбектің туған ағасы болды. Ол өңірлерден келген 6 театр әртістерінің қойылы көпшілікке ой салып, тәрбиелік мағынасымен ерекшеленгенін айтты.
БАЗАРБЕК ТҮКІБАЕВ, К.ӘМІРБЕКТІҢ ІНІСІ, ҚАЗЫЛАР АЛҚАСЫНЫҢ МҮШЕСІ
--- Кеше күні бойы әзіл-сықақ театрында 6 театрдың қатысуымен қойылым болды анықталды. Қазір өздеріңіз көресіздер. Енді Сейіт ағамыз айтады. Күле білу өмір, күлдіре білу өнер, күлкі болу өлім дейді. Күле білейік, күлдіре білейік күлкі болудан сақтасын. Бұл жерде әділеттілік қағидасы сол фестивальге қатысып отырған қатысушылардың еңбегін бағалауға және жолдарын ашуға мол мүмкіндік берді деп ойлаймын.
Қазылар алқасының шешімімен «Көрермен көзайымы» номинациясын Түркістан облысынан келген «Күлкі терапиясы» театры иеленді. Ал Көпен Әмірбек атындағы арнайы жүлдеге сарашылар Алматылық ұйғыр музыкалық комедия театрын лайықты деп тапқан. Жүлделі III орын Райымбек Сейтметов атындағы Түркістан облыстық сазды-драма театры мен Шығыс Қазақстан облысының «Керемет» әзіл-сықақ театрының әртісі Ерік Тоқтаубаевқа бұйырса, II орынды «Тарту» халықтық әзіл-сықақ театры еншіледі. I орынды Алматыдан келген ұйғыр музыкалық комедия театрының ұжымы жеңіп алды. Ал бас жүлде әзілкештердің әзілін орап өткен Қызылорда облысынан келген «Күлкістан» әзіл-сықақ театрына бұйырды. Жеңімпазға 1 млн теңгелік сертификатты қала әкімінің орынбасары Сәрсен Құранбек тапсырды.
СӘРСЕН ҚҰРАНБЕК, ШЫМКЕНТ ҚАЛАСЫ ӘКІМІНІҢ ОРЫНБАСАРЫ
--- Бүгінгі ШЫмкент думанды сол кісінің 75 жылдық мерейтойына арнайы отырып К.Әмірбек ағамыздың келесі өмірінің бастауында тұрмыз ғой деп айта аламыз. Жалпы бұл ШЫмкент думаынның да бұл қалада өтпей қалғанына 7 жыл уақыт болған екен. Және сол болып тұрған кезінде К.Әмірбек ағамыз келіп, қазылар алқасын басқарып өзінің бағасн беріп және көрерменнің көзайымы болып талай кеткен кездері болған. Енді міне сол кісінің көзіндей болған Шымкент думанды тағыда жаңғырып жатыр, бұйырса бұл соңғысы болмасын.Жалғаса берсін. Уәлибек ағам бір аманым бар еді Шымкент думан тірілді ғой деп жылаған екен. Деп Уәлибек ағам жылда жылай берсін!
Жеңімпаздарды марапаттау рәсімінен кейін фестиваль мерекелік концертке ұласты. Кеш барысында қазақ эстрадасының әншілері Әбдіжаппар Әлқожа, Мұхтар Ханзада өнер көрсетіп, белгілі әзілкештер Қайрат Әділгерей, Қанат Әлжаппаров, Асқар Көмекбаев, «Шаншар» мен «Шымкент шоу» театрлары және “Миллион” командасы көрерменге көтеріңкі көңіл-күй сыйлады.