Бүгін сенаторлар қылмыстық жолмен алынған кірістерді заңдастыруға және терроризмді қаржыландыруға қарсы іс-қимыл жөніндегі Еуразиялық топтың құжаттарын ратификациялады. Заң арқылы енгізілген өзгерістердің қатарында терминдерді қолданыстағы халықаралық стандарттарға сәйкес өзектендіру, қосымша жұмыс форматтарын құру мен олардың жұмыс істеуін регламенттеу, жетілдіру және басқа да бірқатар шаралар көзделген. Заңның қабылдануы республикалық бюджеттен қосымша қаржы шығындарын талап етпейді. Еуразиялық топқа мүше 9 мемлекеттің 7-еуі аталған хаттаманы ратификациялады.
МӘУЛЕН ӘШІМБАЕВ - ҚР ПАРЛАМЕНТІ СЕНАТЫНЫҢ ТӨРАҒАСЫ
Қаралған заң Қылмыстық жолмен алынған кірістерді заңдастыруға және терроризмді қаржыландыруға қарсы іс-қимыл жөніндегі Еуразиялық топтың құжаттарына бірқатар түзетулер енгізуді көздейді. Бұл түзетулер ұйымға мүше мемлекеттердің қаржы жүйелері мен экономикаларын қорғауға бағытталған бірлескен қызметін жетілдіруге арналған. Жалпы, заң ФАТФ аясында атқарылып жатқан іс-шаралардың тиімділігін арттыруға мүмкіндік береді деп сенеміз