Шымкенттегі «Көктем» базары көшіріледі. Бірақ мұндағы кәсіпкерлер жұмыстарын тоқтатпай, жалғастыра алады. Осы үшін базар жанында орналасқан жаңа үш қабатты сауда орталығы да дайын.
Олардан мамырдың 1-іне дейін жалдау ақысы алынбайды. Бұл бизнесті кедергісіз жүргізуге мүмкіндік береді. Жаңа нысан – заманауи үш қабатты. Жалпы аумағы 7200 шаршы метр. Сантехника және құрылыс материалдарына арналған бөлім бар. Күнделікті тұтыну тауарлары екінші қабатқа орналастырылған. Үшінші қабаттан киім-кешек, ойыншықтар және басқа тауарларды табуға болады. Алғашқы 3 ай жалдау ақысы тегін болғанымен, кейіннен жалдау құны олардың «Көктем» базарында төлеп жүрген сомасында сақталады. Егер кәсіпкер бұрын 2x3 метр дүңгіршекті 25 мың теңгеге жалға алған болса,, жаңа сауда орталығында да осы мөлшер сақталып отыр. Түсіндірме жұмыстары жалғасып жатыр.