Мәслихат депутаттары мен Сенаттың ынтымақтастығы артады. Бұл туралы Астанада өткен Сенат жанындағы жергілікті өкілді органдармен өзара іс-қимыл жөніндегі кеңестің кеңейтілген отырысында айтылды. Жиында депутаттардың біліктілігін арттыру, өңірлердегі мәселелерді заңнама негізінде шешу жолдары түсіндірілді. Мәулен Әшімбаевтың төрағалығымен өткен алқалы басқосуға барлық деңгейдегі мәслихаттың төрағалары қатысып, пікір алмасты.
Өңірлердегі халық қалаулылары - Сенаторлар мен Мәжіліс депутаттарының құлағы хәм көзі. Бұдан былай жергілікті жердегі ахауал Астананың тікелей бақылауында болады. Осы арқылы мәслихат депутаттарының өкіліттілігі артады. Халық сенімі де нығая түспек.
Жергілікті жерлдерде бюджет қаражатын тиімді пайдалану жөніндегі мәселе қашан да өзекті. Ауылды жерлердегі қордаланған проблеманы Мәслихат деңгейінде шешудің жаңа көкжиегі ашылады. Оған екіжақты ынтымақтасық арқылы қол жеткізілмек.
Еліміз дамудың даңғыл жолында. Соңғы жылдары көптеген реформалар қолға алынып, заңдар шығып жатыр. Әйткенмен әлеуметтік тұрғыдағы бастамалардың басым бөлігі аймақтардағы ахуалмен қарама-қайшылық туғызып жатады. Енді мұндай мәселелер Мәжіліс деңгейінде оң шешімін таппақ. Оған мәслихат депутаттары ықпал етеді.
Президент те халық та депутаттарға үлкен сенім артатыны сөссіз. Демек, халық қалаулыларының білімі мен білігі соған сай болмағы лазым. Елдің мүддесін қорғап, қарашаның қамын ойлайтын мәжіліс үшін алқалы жиын біліктілік арттыруға мүмкіндік бергендей.