Биыл Абай Құнанбайұлының мерейтойымен қатар оның мұрасын да кең көлемде насихаттау жоспарланған. Шымкенттік Абай кітапханасы мен мұражайы бірлесіп 180 жылдықты тойлауды бастап кетті. Сәуірден тамызға дейін жалғасатын рухани, мәдени бағыттағы игі шаралардың алғашқы легі бүгін Абай музейінде ашылды.
Ұлы ойшылдың асыл мұралары дәріптелген іс-шараның бұл жолғы форматы бөлек өтті. Сұхбат жанрын місе тұтқан ұйымдастырушылар Абайтанушы Жабал Шойынбет пен Amanat партиясынан делегаттар шақырыпты. Келген меймандарды алдымен мұражайдағы Абай бұрышына жайғастырып, ақын шығарашылығынан сыр шертісті. Айта кетейік, бүгінде кітапхана қорында 125 мың кітап бар. Ал мұражайда 19 ғасырдан келе жатқан 50 дана экспонат, таңдамалы шығарларының жинағы мен 771 кітап сақтаулы. Аманаттықтар да өз кезегінде жөндеуді қажет етіп тұрған музейге қайта реэкспозициялауға мұрындық болатындарын жеткізді.
АЙҒАНЫМ ЕРСҰЛТАНҚЫЗЫ, ОРТАЛЫҚТАНДЫРЫЛҒАН КӨПШІЛІК КІТАПХАНАЛАР ЖҮЙЕСІНІҢ МАМАНЫ
---Бізде ең үлкен байқауың бірі –ол бай оқулары. Ол тамыз айында болады Абайдың туған күніне орай 13 тамыз күні. Кез-келген оқырман қатыса алады. Біз өзіміз инстаграм, фейсбук парақшаларымызға хабарландырулар береміз. Кез-келген оқырман өзінің бейнеролик ретінде бізге жібереді инсаграм парақшамызға. Соларды саламыз, сол арқылы лайк, коментарилер арқылы таңдап іріктеп аламыз.