Президент Қасым-Жомарт Тоқаев жұмыс сапарымен Самарқанға барды. Тарихи шахарда «Орталық Азия – Еуропа Одағы» саммиті мен «Жаһандық климат сын-қатерлері кезеңіндегі Орталық Азия» халықаралық конференциясы өтеді. Кәрі құрлық елдерінің өкілдері мен бес елдің басшысы бірлескен бастамаларды талқыламақ. Мемлекет басшысын әуежайда Өзбекстан Премьер-министрі Абдулла Арипов қарсы алды. Сапар аясында Қасым-Жомарт Тоқаев Еуропалық Кеңес Президенті Антониу Коштамен және Еуропалық комиссия Президенті Урсула фон дер Ляйенмен кездесу өткізеді.
БЕКЖАН САДЫҚОВ ҚР ПРЕЗИДЕНТІ ЖАНЫНДАҒЫ ҚСЗИ ЕУРОПА ЖӘНЕ АМЕРИКАЛЫҚ ЗЕРТТЕУЛЕР БӨЛІМІНІҢ БАСШЫСЫ
---Бұл саммит болашақта жүзеге асатын өзара бірлескен бастамалардың нақты жоспарын айқындап береді деп ойлаймын. Транскаспий халықаралық көлік бағыты да әңгімеге арқау болады. Орталық Азияның геосаяси жағдайында, бұл, батыс пен шығысты байланыстыратын маңызды өңіраралық сауда жолдарының бірі. Қалай болғанда да, барлық бағыттар Қазақстан арқылы өтетіні белгілі