Түркістандық колледж студенттері балалықтан даналыққа қадам басудың алғышарттарын меңгермек. Қазір шаhарда «Бала шешеннен дана шешенге» байқауы өтіп жатыр. Оған облыстағы 49 колледждің 25-і өтінім беріп, бақ сынауда.
Кең көлемде ұйымдастырылып жатқан байқау жастардың ұлттық санасын оятып, шешендік өнердің танымалдылығын арттыруды көздеп отыр. Осы кезеңде оза шапқан жастар 10-11 сәуір аралығында Түркістан қаласында өтетін ақтық сынға жолдама алады. Онда республиканың түкпір-түкпірінен топ жарған өрендер өзара сайысқа түседі. Айта кетейік, байқаудың облыстық кезеңі Сайрам ауданында ұйымдастырылып, 300-ге жуық оқушы қатысқан.
КЛАРА НАРМҰХАМЕДОВА, БІЛІМ БЕРУДІ ДАМЫТУ ОРТАЛЫҒЫНЫҢ ТӘРБИЕ-ӘДІСКЕРІ
---Балалар сол айтысқа өздерінің шешендік сөздерімен ойлары мен тарихты жеткізуі керек. Және бұл жерде эссе байқауы бар. Ол онлайн форматта өткізгелі отырмыз. Ол жерде 250-300 сөзден аспайтын тарихи оқиғалардың барлығын осы эссе бетінен көре аламыз.