Шымкенттегі 35748 әскери бөлімінің жөндеу ротасының әскери қызметшілері ерледі. Олар шартты түрде істен шыққан әскери техниканы жөндеп, қызмет көрсету тапсырмаларын сәтті орындады. Жеке құрам дабыл бойынша көтеріліп, шартты ауданға шығарылды.


Шарада әскерилер мобильді жөндеу шеберханаларын қолдана отырып, қару-жарақты, әскери және арнайы техниканы қалпына келтірудің әртүрлі кезеңдерін пысықтады.


Оқу-жаттығу барысында дала жағдайында жөндеу-қалпына келтіру жұмыстарын жүргізуге арналған 14 бірлік әскери мамандандырылған техника жұмылдырылды. Жөндеу жұмыстары қозғалтқыш пен трансмиссия сияқты негізгі техника жүйелерін қалпына келтіруді қамтыды. Бұл әскери қызметшілерге өз дағдыларын жетілдіріп қана қоймай, шектеулі уақыт пен ресурстар жағдайында стандартты емес және күрделі міндеттерді шешуді үйренуге мүмкіндік берді.


Жаттығу барысында мобильді жөндеу шеберханаларында жұмыстарды ұйымдастыруға да ерекше назар аударылды. Жауынгерлік жағдайларда ротаның жеке құрамына тез жөндеу және техниканың әрі қарай пайдалануға дайындығын қамтамасыз ету дағдыларын тәжірибеде пысықтауға мүмкіндік берді.