«Қолы бостық, қарны тоқтық аздырар адам баласын...». Бірақ, бұл екі қолға күрек ұстап, таңнан қара кешке дейін қара жұмысқа жегілу дегенді білдірмесе керек. Керісінше, жастайынан ұлттық құндылыққа құштар боп, ісмерлікті бойына сіңіріп өскен жас өрен халық мұрасын қастерлей алатыны анық. Жастардың уақытын тиімді ұйымдастыру орталығының мамандары жылдағы дәстүрден жаңылмай, «Ұлттық өнер – ұрпаққа мұра» атты шеберлік сағатын өткізді.
Онда қолөнер шеберлері түрлі этно бұйымдарды, былғары өңдеудің жаңа технологиясын, ұлттық нақыштағы әсем киім-кешектерді, сондай-ақ, құрақ құрау, заманауи қоржын тігудің тың тәсілдерін, тоқыма мен саз-балшықтан бұйымдар жасап көрсетті. Аспаздар мен спортшылар да құралақан келмепті. Шашасына шаң жұқтырмайтын палуандар мен ұлттық астың түр-түрін әзірлейтін мамандар да бар өнерін салып бақты. Кіл мықтылар жиылған орталықта қазір 4000-нан аса шәкірт тәрбиеленіп жатыр. 50-ге жуық интелектуталдық, шығармашылық, спорттық бағыттағы үйірмелер жұмыс істеп тұр.
ГАУХАР АБДРАМАНОВА, БІЛІМ БАСҚАРМАСЫ ӘДІСТЕМЕЛІК ОРТАЛЫҒЫНЫҢ ӘДІСКЕРІ
--- Бұл күнгі іс-шараға білім басқармасына қарасты 12 қосымша білім беру мекемелері бар. Сол мекеменің басшылары, қызметкерлері, ата-анлар, соынмен қатар үйірмешілер толықтай қамтылып, білім мекелер және барлық осы ұлттық мұрамызды дәріптеуге насихаттауға мақсат еткен барлық ұстаздарымыз да осы жерге қамтылып отыр.