Түркістанда алғаш рет жасөспірімдер арасында футболдан ел чемпионаты өтті. 2010 жылы туған жеткіншектер арасында өткен доп додасына 300-ге тарта жас спортшы қатысты. Тартысты сайысқа біздің арнаның түсірілім тобы да қатысып қайтты.
Әлемде нөмірі бірінші спорт түріне баланатын футбол ойыны соңғы жылдары елімізде қарқынды дамып келеді. Осы орайда Рухани шаһарда ұйымдастырылған футбол бәсекесіне елімізден таңдаулы аяқ доп шеберлері қатысып, жасыл алаңда жасындай жарқырауда. Жасөспірім футболшылар арасындағы ел біріншілігіне республикамыздан 15 команда 300-ден астам спортшылар қатысуда. Талантты аяқ доп шеберлері қатысып жатқан жарыста еліміздің болашақ жарық жұлдыздары іріктеледі. Айта кетейік, Түркістан облысының 2010 жылы туылған жасөспірімдер құрамасы бұған дейін еліміздің 4 дүркін жеңімпазы атанған. Енді осы чемпиондық атақты сақтап қалу үшін өз алаңдарында бар күш-жігерлерін көрсетеді. Жарыс 01-10 сәуір күндеріне жоспарланған.