Ордабасы ауданында күрделі ота жасалды. Дәрігерлер бауырдың қатерлі ісігін ажыратты. Осы мақсатта Алматы қаласынан арнайы шақыртылған ақ халаттылар аудандық әріптестерімен тәжірибе алмасты. Практикалық көмек жайлы тілші әңгімелейді.
Аудандық ауруханаға «А.Н.Сызғанов атындағы Ұлттық ғылыми хирургия орталығы» мен «Кардиология және ішкі аурулар ғылыми орталығы» мамандары арнайы келді. Бауырдың қатерлі ісігіне жасалатын ота күрделілер санатына жатады. Хирургтардың қолы жеңіл болып ота сәтті өтіпті.
БОЛАТБЕК БАЙМАХАНОВ, А.Н.СЫЗҒАНОВ АТЫНДАҒЫ ҰЛТТЫҚ ҒЫЛЫМИ ХИРУРГИЯ ОРТАЛЫҒЫНЫҢ БАСҚАРМА ТӨРАҒАСЫ
--- Төрт жылға жуық бақылауда жүріп ем алып жүр екен. Біз қарадық операция жасауға келеді деп. Бауырдың 70 пайыз бөлігі алынды. Операция ойдағыдай болды. Қалған емін ауруханадан шыққаннан кейін жалғастырады деп ойлаймыз.
Білікті дәрігерлер практикалық көмектен кейін ғылыми конференцияда бас біріктірді. Жиын барысында аудандық аурухананың әлеуеті әңгімеге арқау болды. «Аурухананың өз зертханасы, медициналық аспаптарды зарарсыздандыру бөлімі, сәулемен диагностикалау және маммография, реанимациялық, хирургиялық, терапевтикалық бөлімшелері бар. Операция жасайтын орталық, балалар бөлімшесі, перзентхана, физиотерапевтикалық бөлімі де өз дәрежесінде жұмыс істеп тұр.
БОЛАТБЕК БАЙМАХАНОВ, А.Н.СЫЗҒАНОВ АТЫНДАҒЫ ҰЛТТЫҚ ҒЫЛЫМИ ХИРУРГИЯ ОРТАЛЫҒЫНЫҢ БАСҚАРМА ТӨРАҒАСЫ
---Компютерлік томография екінші жыл жұмыс жасап жатыр. Зерттеулер толық жүргізіліп жатыр. Әсіресе бас ми жарахаттарына омыртқаның жарахаттарында дәрігерлерге үлкен мүмкіндік беріп тұр. Сол аппаратта бір науқастың мойын омыртқасының үш жерден шығуын анықтап дер кезінде көмек бердік.
Аудандық орталық аурухананың бас дәрігері Болатхан Сағымбеков биыл 63 жасқа толып отыр. Конференцияда Ордабасыға келген ғалымдар мерей той иесін арнайы құтықтап, алғыс хаттары мен төс белгілерін табыстады.