Рухани астанада «AMANAT» партиясы Түркістан облыстық мәслихатының депутаттық фракциясының мәжілісі өтті. Күн тәртібінде алдағы бес жылға арналған «Халықпен бірге!» сайлауалды бағдарламасын орындау жөніндегі «Жол картасының» былтырғы нәтижесі сараланып, атқарылатын жоспарлар талқыланды.
Жиында жол картасы аясында құрылысы жүріп жатқан мектептердің сапасын бақылау және апатты, үш ауысымды білім ошақтары мен «Түркістан қаласының ерекше мәртебесі туралы» заңы аясындағы даму бағыттары талқыланды.
Жиында Түркістан облыстық мәслихатының депутаты Дулат Әбіш мемлекеттік білім беру мекемелеріне блогерлерің заңсыз кіріп шығуына тыйым салу екеректігін айтты.
Түркістан облысының әкімі Нұралхан Көшеров фракция құрамындағы депутаттарға облысты дамыту бағытындағы бірлескен жұмыстар жалғасатынын жеткізді. Облысты әлеуметтік инфрақұрылыммен қамту мақсатында 2024 жылы жаңа 26 білім нысаны салынып, 337 мектепке жаңғырту жұмыстары жүргізілген. Сонымен қатар 55 жаңа денсаулық сақтау нысанының құрылысы аяқталған.
НҰРАЛХАН КӨШЕРОВ, ТҮРКІСТАН ОБЛЫСЫНЫҢ ӘКІМІ
--- Мемлекет басшысы Қасым-Жомарт Кемелұлының бюджет шығыстарын қайта қарау тапсырмасына сәйкес, облыстық бюджетке оңтайландыру жүргізілуде. Қаржы бірінші кезекте шешуді қажет ететін мәселелерге бағытталады. Ең алдымен біз халықты әлеуметтік инфрақұрылыммен қамту жұмыстарын жүргіземіз. Биыл жаңа 20 мектептің құрылысын аяқтап, 41 мектепті реновациядан өткізуді жоспарлап отырмыз. Қосымша жаңа 32 денсаулық сақтау нысаны пайдалануға тапсырылады. Орталықтандырылған ауыз суға қосылған елді мекен санын 801-ге жеткізу көзделуде. Табиғи газға қосымша 45 елді мекен қосылып, қамту деңгейін 75,3%-ға жеткіземіз.
: Айта кетейік, «AMANAT» партиясының Түркістан облысы бойынша сайлауалды бағдарламасын жүзеге асыру жөніндегі Жол картасында 2023-2027 жылдарға 136 индикатор, 542 іс-шара жоспарланған. 2023 жылдың қортындысымен орындалуы тиіс 119 тармақтың 118-і орындалып, 99,2%-ды құрады. 1 іс-шара орындалуда. Ал 2024 жылдың қорытындысымен жоспардағы іс-шараның 116-сы орындалған.