Мегаполистегі ТЖ департаментінде ашық есік күні өтті. Мекеме қызметкерлері жастарға өздерінің бір күндік жұмысымен таныстырды. Азаматтық қорғау органдарына офицерлік құрамын даярлайтын оқу орнына құжат тапсырған талапкерлер төтеншеліктердің тіршілігін көзбен көріп, өздеріне бағыт-бағдар алды.
Перизат Оңалбек ТЖД қызметкері болуды бала күннен армандаған. Жігіттердің өзі жақындай бермейтін жауапты жұмысқа жету үшін жастайынан спортпен шұғылданыпты. Мақсатына бір табан жақындау үшін Түркістан жоғары аграрлық колледжі Өрт сөндіру факультетіне оқуға түскен. Оқу орнын биыл бітіріп академияға құжат тапсырды.
Мәлік Ғабдулин атындағы Азаматтық қорғау академиясы төтенше жағдайлар қызметінің офицерлерін әзірлетін жалғыз оқу орыны. Сондықтан оған түсуге ниет білдірушілер де көп. Шымкенттің өзінен 60 жуық талапкер құжат тапсырыптыү. Ашық есік күнінде сол үміткерлерге таныстырылым өтті. Айтқандай академияға Шымкенттен түскен курсанттар диплом алғасын міндетті осы мекемеге жұмысқа орналасады.
Жоғары оқуға түсу үшін үміткерлер әскери медециналық комиссиядан өтеді. Денсаулығы 100 пайыз жақсы талапкерлер ғана келесі кезеңге өтеді. Жиынға келген Полиция департаменті әскери дәрігерлік комиссия төрағасы талапкерлер мен олардың ата-аналарына талаптарды егжей тегжей түсіндірді. Сонымен қатар академияға түсу барысындағы бағдарламалар таныстырылды. Жастарды жігерлендіру үшін сала қызметкерлері өздерінің жұмысы мен техникаларын таныстырып талапкерлерге шабыт сыйлады.