Дүкеннен спорттық киім ұрлаған күдікті ұсталды. Сайрам ауданының тәртіп сақшылары жедел-іздестіру іс-шараларын жүргізу барысында дүкеннен ұрлық жасады деген күдікпен жергілікті тұрғынды қолға түсірген. Ер адам пластик терезені сындырып, дүкен ішіне енген.
20 мың теңге тұратын ерлерге арналған 10 спорттық киімді ұрлап, ізін жасыруға тырысқан. Белгілі болғандай, күдікті бұл әрекетін масаң күйде жасаған. Келтірген шығын көлемі 200 мың теңгені құрайды. Полиция қызметкерлері күдіктіні дер кезінде анықтап, айғақты заттарды тәркілеп алды. Қазіргі таңда ер адамға қатысты сотқа дейінгі тергеу амалдары жүргізіліп жатыр. - деп хабарлайды Polisia.kz.