А.Асқаров атындағы Шымкент мемлекеттік дендрологиялық саябағына кіру ақысы 100 теңге болып бекітілді. 3-сәуірден бастап қолданысқа енеді.
Зейнеткерлерге мүгедектігі бар адамдарға, ІІ дүние жүзілік соғыс ардагерлері тегін кіреді. Биыл Жеңістің 80 жылдығы тойланады. Саябаққа кіру сондай-ақ, басқа мемлекеттердің аумағындағы ұрыс қимылдарының ардагерлеріне, еңбек ардагерлеріне, көп балалы аналарға, мектеп жасындағы балаларға да тегін. Тұрғындардың өтінішін ескере отырып, саябаққа кіру уақытын таңғы 05:00 ден түнгі сағат 01:00-ге дейін ұзарту бойынша шешім қабылданды. Кіру ақысы таңғы сағат 05:00 ден 07:00 ге дейін және 23:00 ден 01:00 ге дейін тегін. А.Асқаров атындағы дендрологиялық саябағы алдағы уақытта жоғарыда көрсетілген уақыт бойынша жұмыс істейтін болады.