Шымкент қаласында заңсыз алкоголь өнімдерін сатумен айналысқандар әшкереленді. Әділет органдары мен Абай аудандық полиция басқармасы жүргізген тексеріс барысында қаладағы базарлардың бірінен 1700-ге жуық контрафактілік алкоголь өнімі тәркіленді.
Тексеріс нәтижесінде анықталған заң бұзушылық бойынша іс сотқа жіберілді. Мамандардың айтуынша, бұл өнімдерде тиісті рұқсат құжаттары мен акциздік маркалар болмаған. Құқық қорғау органдары мұндай заңсыз әрекеттердің тұрғындардың денсаулығына зиян тигізетінін ескертеді. Сондай-ақ азаматтарды тексерілмеген алкоголь өнімдерін сатып алмауға шақырады. Қазіргі таңда тергеу жұмыстары жалғасуда.
ДИНАРА ЖАНБОЛАТҚЫЗЫ, ӘДІЛЕТ ДЕПРАТАМЕНТІНІҢ БАС МАМАНЫ
--- Тәркіленген заттар бойынша құқық бұзушыға қатысты тиісті әкімшілік істер қозғалып, нәтижесімен сотқа жолданып, ары қарай сот тарапынан өз шешімі шығатын болады.