Түркістанда жарнама тіліне бақылау жүргізілді. Арнайы жұмысшы топ алдымен адам қарасы көп шоғырланатын Қуаныш базарына барды.
Аумақтағы жарнама агенттіктері мен сауда үйлерінде мемлекеттік тілде қызмет көрсету, маңдайшалар, ас мәзірлері, баға көрсеткіштері мен басқа да ақпараттардың заң талаптарына сәйкестігін тексерді. Атқарылған жұмыстар нәтижесінде 12 нысан қаралып, 5 кәсіпкерге ескерту хаты берілді. Мемлекеттік тілдің қолданыс аясын кеңейту мақсатында мұндай бақылау шаралары алдағы уақытта да жалғасады.