Мемлекет басшысы жолдауда ұлт саулығын нығайтуды ерекше атап өткен болатын. Бастаманы отырарлықтар бір ауыздан қолдап, бұқара спортты дамытып келед. Көксарайлық меценат Оразхан Жанысбеков ауылдан спорт кешенін салып берген еді. Қазір ол жерде мыңға жуық ауыл балары мен қыздарымыз спорттың бірнеше түрінен жаттығып жүр. Тіпті алды кешегі Павлодарда самбодан өткен республикалық турнирде топ жарды.
Елизавета Яновская 7 сыныпта оқиды.Кішкентайынан спортқа қызығып өскен. Бала күнінде әкесі жаттықтыратын.Кейін мектепте үйірмеге қатысты. Қазір «Толағай» спорт кешенінде самбодан жаттығу жасап жүр. Жас қыздың алға қойған мақсаты Әлем чемпионы болу. Ару алғашқы қадамын сәтті бастады.Ол Павлодарда өткен жасөспірімдер арасындағы самбо күресінен ҚР чемпионатында жүлделі үшінші орынға ие болды.
Шағын ғана ауылда Елизавета сияқты чемпион болғысы келетін жастар көп.Бұрын барлығы мектептің спорт залы мен далада күресетін.Енді өздерінің спорт кешендері бар. Былтыр президент жолдауынан кейін «Толағай 2050» компаниясының негізін қалаған Оразхан Жанысбеков өз қаржысына ауылынан спорт нысанын салып берді. Қазір кешенде жүздеген ауыл балалары жаттығып жүр.
Шағын ғана ауылдағы спорт кешенін түлектері облыс тіпті респулика деңгейіндегі сайыстарда топ жарып көріне бастады. Компания басшысы ауыл жастарын ынталандыру мақсатында алғашқы жеңімпаздарды құттықтап, ақшалай және заттай сыйлық тапсырды. Чемпионат жүлдегері Елизавета Яновскаяны 1 миллион теңге және iPhone 16 Pro Max сыйлығымен марапаттады. Жаттықтырушылар мен болашағынан мол үміт күттірген жас спортышылар да марапатқа ие болды. Жаттықтырушылар Елдос Сметов секілді болашақ Олимпиада чемпиондарын тәрбиелеуді мақсат етіп отыр.