Көркем гимнастикадан NAURYZ CUP ашық чемпионаты басталды. Байрақты бәскеге ел спортшыларынан бөлек Өзбекстан мен Қырғызстан гимнасшылары да келген. 4 күнге созылатын додада 400-ден аса спортшы бақ сынайды. Жасөспірімдер мен жастар және ересектер түрлі сантқа бөлініп, бөлек бағаланады. Жарыста топ жарып, жүлделі орын иеленген гимнастар алда өтетін ел чемпионаты мен халықаралық сайыстарға жолдама алады.
9 жастағы Афият Көпжарас – көркем гинастикаға 6 жасында келген. Сұңғыла спортты телдидардан көріп, ондағы пластикалық қимылдарға құмартқан. Содан бері эстетикалық спортпен тұрақты түрде шұғылданып келеді. Сөзінше, дайындығы жаман емес. Бас жүлдеге үмітті.
АФИЯТ КӨПЖАРАС, СПОРТШЫ
– Бүгінгі жарысқа ұзақ уақыт дайындалдым.» – Мен бүгін жеңімпаз болғым келеді.» Бұл спорт өте әдемі спорт. Сонысымен де ол мағын ұнайды.»
Шымкент қаласының гимнастика федерациясының президенті Муслим Шаназаров айтуынша, елімізде спорттың бұл түрі жүйелі түрде дамып келеді. Қызығушылық танытушылар қатары да едәуір көбейген. Бүгінгі сында оза шауып, қатарының алды болған гимнасттар іріктеліп алда өтетін ел біріншілігіне жіберіледі.
МУСЛИМ ШАНАЗАРОВ, ҚАЛАЛЫҚ ГИМНАСТИКА ФЕДЕРАЦИЯСЫНЫҢ ПРЕЗИДЕНТІ
-- сәуір аралығында Астанада ҚР чемпионаты өтеді. Соған дайындық іспетті жарыс бұл. Ең мықты, іріктеліп шыққан спортшыларымыз сол чемпионатқа қатысады.»
Төрт күнге жоспарланған жарыста спортшылар доп, лента, шеңбер және секіргіш арқылы өнер көрсетеді. Гимнастшылардың алғашқы легі толық өнер көрсетіп, мықтылар анықталды. Жүлдегерлер арнайы медаль және мақтау қағаздарымен марапатталды.