Кітап – ғажайып әлем! Ал сол ғажайыптың ішіне тереңінен сүңги алып жүрміз бе? Дәл осындай жалаумен қаладағы отбасылық кітапхананың ұжымы балаларға арнап кеш ұйымдастырды. Іс-шараға өңірдің зиялы қауым өкілдері мен қаламгерлері қатысты. Кештің шымылдығы Минск қаласындағы орталықтандырылған және Абай атындағы Қарағанды облыстық кітапханасының құттықтаумен ашылды. Әріптесіміз Шынар Әуелбай шараға қатысып, балалар әдебиетінің бүгінгі болмысымен танысып қайтты.
8 сынып оқитын Дидар Мәскеубай қазақ әдебиетінің қайнар бұлағынан сусындап жүрген жастардың бірі. Осыған дейін 20-дан аса автордың шығармасын оқып, лиро-эпостық, батырлар жырын бала кезден жастанып өскен. Соңғы уақытта шығып жатқан жазушылардың туындыларына да қанық. Күніне 2 сағатын кітап парақтауға сарп қылып, кемі 50-60 бетін тауысады екен.
ДИДАР МӘСКЕУБАЙ, №106 ҚАЙНАРБҰЛАҚ ЖАЛПЫ ОРТА БІЛІМ БЕРЕТІН МЕКТЕБІНІҢ ОҚУШЫСЫ
Мен кітап оқымағанға дейін өте қатты ұялшақ, ортаға шыға алмайтын адам болатынмын. Осы кітап оқығанға дейін рухани байып, қазіргі таңда түрлі іс-шараларға белсене аталысып жатырмын. Жалпы адам кітапты оқығанда беріліп оқуы тиіс. Сонда ғана сол кітаптың қай жерде баяндалғанын,қандай шығарма екені, кейіпкері кімдер екенін білетін жақсы білетін болады. Сондықтан әр бала кітапханаға келіп, жеке өзі кітап оқығаны міндетті деп ойлаймын.
Бүгінде балалар әдебиетіне қалам тербеп жүрген жазушылар бар, болған да. Алайда, бүлдіршіндердің кітап оқуға деген құштарлығы азайып, сөзге шорқақ келетінін фантастик жазушы Сарманбай Исақ үйдегі насихаттың аздығы мен смартфонға телмірумен байланыстырады.
САРМАНБАЙ ИСАҚ, ЖАЗУШЫ-ФАНТАСТ
--Әр отбасыдан басталуы керек. Жас бала, жас қыз санасы оянғанннан бастап әке-ше шесі кітапты насихаттау керек. Біздің ертегілер бар керемет. Сол ертегілерді айтып отыруы керек үзінді қып. Құлақтарына құйып отырса, сол кезде ерекше құлшыныс пайда болады.
76 мыңнан аса оқырманға қызмет көрсететін балалар кітапханасына күніне 200-ге тарта кітапкеміргіш келеді. 420 мыңға жуық қордың 247 850-і отандық балалар басылымы болса, қалғаны шетелден келгендер екен. Қазірде өңір бойынша 1 орталық, 14 филиал жұмыс істеп тұр.