Қазақ тілі қазақтың ғана тілі емес, ол қазақстанда өмір сүретін барша ұлт пен ұлысқа ортақ тіл. Мемлекеттік тіл этнос аралық ынтымақты күшейтіп, бірлікті арттырады. Мақсат аясында оқушылар сарайында дөңгелек үстел өтіп, этносаралық келісім мәселелері талқыланды.
Сайыпжамал Қорғанова – Қазақстан халқы ассамблеясы жанынан құрылған ғылыми сарапшылық топ төрғасының орынбасары. Философия ғылымдарының кандидаты мемлекеттік тілдің қолданыс аясын кеңейтіп, көпке насихаттау қажетін айтады. Мақсат аясында баяндама оқып, мәлімдеме жасады. Сөзінше, этнос аралық ынтымақ жылдан-жылға күшейіп, қазақ тіліне деген қызығушылық артып келеді.
САЙЫПЖАМАЛ ҚОРҒАНОВА, ФИЛОСОФИЯ ҒЫЛЫМДАРЫНЫҢ КАНДИДАТЫ
– «Қазақстан халқы ассамблеясы түрлі этностардың басын біріктіріп, тіл мен қоғамдық мәдениетті дамытуда, қазақстандық отансүйгіштікті қалыптастыруда үлкен үлесін қосып келе жатыр.»
Этномәдени бірлестік өкілдері баяндама жасап, ортақ мүдде аясында пікір алмасты. Басты мақсат – өзара байланысты ұштап, бірлік пен ынтымақты нығайту. Олар ұсынған идеялар мен ұсыныс-жобалар мазмұны мынадай:
ШОЛПАН АЙТБАЕВА, ӘДІСТЕМЕЛІК ОРТАЛЫҒЫНЫҢ ДИРЕКТОРЫ
– Мемлекеттік тілде дәріс беретін мұғалімдердің құзіреттілігін кейту жөнінде ұсыныс-пікірлер қарастырылады. Сондай-ақ қалай этнос аралық бірлікті нығайтуға болады? Осы мәселелер кеңінен талқыланып, шешім шығарылады.»
Іс-шараға қазақ тілі мен әдебиеті пәнін оқытатын педогогтар, ассамбеля мүшелері мен зиялы қауым өкілдері қатысты. Дөңгелек үстел әрі қарай концерттік бағдарламаға ұласып, түрлі этнос өкілдері қазақ ақындарының өлеңдерін жатқа айтты.