Сауран ауданында Ұлттық қауіпсіздік комитетінің (ҰҚК) жаңа ғимараты пайдалануға берілді. Заманауи талаптарға сай салынған нысанда қызметкерлерге қолайлы жағдай жасалған.
Ауданның әкімшілік орталығында бірқатар маңызды нысандар салынып жатыр. Олардың қатарында әкімдік, прокуратура, ҰҚК ғимараты, ішкі істер басқармасы бар. Сондай-ақ 500 орындық аурухана, мәдениет үйі, спорт кешені және өрт сөндіру депосының құрылысы жүріп жатыр. Аймақта шағын және орта бизнесті дамытуға да ерекше көңіл бөлінуде. “Шағын өнеркәсіптік парк” жобасы аясында бірнеше кәсіпорын іске қосылып, мыңға жуық жаңа жұмыс орны ашылды. Алдағы уақытта тағы 29 жоба жүзеге асырылмақ. Сауран ауданы дамудың жаңа кезеңіне қадам басты. Жаңа ғимараттар мен инфрақұрылымдық жобалар өңірдің өркендеуіне серпін бермек.