Қазығұрт ауданында ауыл шаруалары бас қосты. Аудандық кәсіпкерлік және ауылшаруашылық бөлімінің қолдауымен "Егін шаруашылығы саласындағы жаңа технология - агродрон" бойынша көрме-семинар кеңес өтті. Онда ауыл шаруашылығына керекті техникалармен астық алқаптарына химикаттар шашатын дрондардың қызметтері таныстырылды. Астықтың мол өнім беруіне керекті химикаттармен дәрі дәрмектерінің пайдасы да айтылды.

SERPER Invest ЖШС Қытай елінен әкелінген SHIҒENG фирмасының  ауыл шаруашылығына пайдаланатын техникаларын ұсынды. Машиналар шаруалардың барлық жұмыстарын атқара алады, қораларды тазалауға, шөп оруға, тасмалдауға қолайлы. Онда қойылған барлық техникалар ауыл шаруалары үшін қол жетімді – дейді кәсіпкерлер.

JINHONG  ЖШС егін шаруашылық  саласындағы жаңа технология - агродронды ұсынып, оның атқаратын жұмыстары кеңінен айтылды. Семинар кеңеске қатысқан шаруалардың көңілінен шықты, бағасы да қол жетімді, пайдасы орасан зор. Егін алқабына бір мезетте сегіз метрге химикат шашып 15 минута бес-алты гектарды қамтитын көрінеді. Жиынға қатысушылардың айтуынша аэропланды жалдағаннан осы дрондар пайдалы дейді.

 Семинар-кеңесте ауыл шаруашылық мамандары мен шаруа қожалықтың төрағалары күн тәртібінде айтылған мәселелер бойынша сұрақтарын қойды. Енді келешекте осы техникаларды тұтынуға ниетті екенін жеткізді.