Шымкентте жанға шипа, көңілге демеу болатын орталық ашылды. «Алақан»массаж орталығы келушілерге уқалау қызметін көрсетіп қана қоймайды. Мұнда 400-ге тарта ауруға ем БРТ аппараты да бар. Мүмкіндігі мол құрылғы дертті анықтап, аурумен күресуге күш салады.
«Алақан» массаж орталығы Нұрсат мөлтекауданында орналасқан. Осындай сауықтыру орнын ашып, көпке қызмет көрсету кәсіпкердің көп жылдық арманы болатын. Салтанатты жиынға елімізге белгілі азаматтар арнайы қатысты. Мүмкіндігі мол БРТ аппаратының қызметі арнайы таныстырылды.
Орталыққа келушілердің қарасы қалың. Басы ауырып, балтыры сыздаған апалар массаж кабинеті жанға жайлылық сыйлағанын айтады. Ал жаңа заманауи құрылғылар дертті дәл анықтап, емдеп, бойға қуат сыйлады,-дейді.
Массаж кабинетінде ересектерге арналған уқалаудың барлық түрі көрсетіледі. Сондай-ақ, тері ауруына шалдыққан азаматтарға арнайы ем-дом жасалады. Ал БРТ аппараты арқылы ішек инфекцияларын да емдеуге болады.
Орталықта заманауи құрылғының 10-ға тарта түрі бар. Келушілерге 5 маман сапалы қызмет көрсетіп отыр. Кешеннің негізгі мақсаты сол – салауатты өмір салтын қалыптастыруға күш салу.