Әуежайда жаңа тәртіп. Енді шабадан жинағанда мұқият болыңыз! Себебі, жолаушылардың ұшу алдында тәркіленген дүниелері сақталмайды. Бұл туралы Көлік министрлігі хабарлады.
Яғни, қауіпсіздік жүйесінен өтпей қалған, болмаса тыйым салынған заттың бәрін ұшатын азамат шығарып салып тұрған адамға ғана тапсыра алады. Сондықтан, жаңа тәртіпке сәйкес, әуе көлігімен қатынайтын әр жолаушы қара тізімге кіретін заттармен мұқият танысқаны жөн. Мәселен, 100 миллилитрден асатын сұйықтықтар мен аэрозольдер, жуынуға арналған гельдер ұшаққа өткізілмейді. Тағы зауыттық қаптамасы жоқ өнімдер, оның арасында бал, джем және сүп пен үй жағдайында дайындалған тағамдардың барлығы тексеріс кезінде тәркіленеді.