Шымкент сити саябағы мереке қарсаңында салтанатты шарамен қызды. Абай ауданы әкімдігінің ұйымдастыруымен Қазақстан Республикасының Конституциясына 30 жыл толуына орай салтанатты жиын ұйымдастырылды. Тақырыпты тілші тарқатады.
Мерекелік кеште құқық қорғау және заң саласында қызмет етіп жүрген азаматтарға аудан әкімінің Алғыс хаттары табысталды. Алғыс хатта ел бірлігі мен қоғамдық келісімді нығайтуға, мемлекетіміздің өркендеуіне қосқан үлестері үшін ризашылық білдіріліп, азаматтық жауапкершілігі мен қоғамдық белсенділігі өскелең ұрпаққа үлгі екендігі айтылды.
НҰРТАС МЕЙРАМБЕКҰЛЫ, АБАЙ АУДАНЫ ӘКІМІНІҢ ОРЫНБАСАРЫ
Конституция біздің мемлекетіміздің ірге тасы Заңдардың бастауы болып табылады. Осы ауқымды іс шараны Абай ауданы әкімдігі халықпен бірге атап өтуді жөн көрді. Баршаңызды конституция күнімен құтықтаймын.
Сонымен қатар жиын барысында Конституция тарихына шолу жасалып, Ата Заңның маңызы кеңінен түсіндірілді. Мерекелік іс-шарада Шымкент қаласының өнерпаздары мен эстрада жұлдыздары әннен шашу шашып, тұрғындарға көтеріңкі көңіл-күй сыйлады
Әрбір өркениетті мемлекеттің негізінде құқық үстемдігі жатыр. Бұл – мемлекеттің тұрақты дамуына, қоғамда әділдік пен тәртіптің орнауына кепіл болатын басты қағидат. Саябақта бас біріктірген қауым Ата заң күнін ерекше сезінді.