Әділет департаменті мен полиция бірлесіп, қаладағы қоймалар мен базарларда жедел тексеру жүргізді. Нәтижесінде, 3300-ден астам жалған MacCoffe өнімдері табылып, тәркіленді.
Аталған іс-шараларды өткізуге MacCoffe компаниясының құқық иесі ретінде өзінің тауар таңбаларын заңсыз пайдалану фактілері бойынша ресми өтініші негіз болды. Тексеру барысында қаладағы бірнеше базар мен қоймаларда MacCoffe-нің төл өнімін сырттай имитациялайтын контрафактілік өнімдердің сатылуы анықталды. Жалпы сомасы шамамен 264 000 теңгеге тең 3300-ден астам контрафактілік өнім тәркіленді. Табылған тауарлардың сапасы төмен, шығу тегі белгісіз және өндіруші туралы ақпарат көрсетілмеген. Мамандар тұтынушыларға аталмыш тауарларды қолдану кезінде сақтық шараларын қатаң ұстануды ескертеді.