Шымкент қаласының жастары ұлттық салт-дәстүрді дәріптеу мақсатында Маятас елді мекенінде бас қосты. Мұнда ұмыт болған көне дәстүрлер қайта жаңғыртылып, қазақы киіз үйлер тігіліп, ұлттық болмыс айшықталды. Іс-шараның мақсаты – жастырдың бойына рухани құндылықтарды сіңіру, елдік пен бірлікті насихаттау. Толығырақ әріптесім жалғастырады.
«Тарихи күндер тізбегімен» тақырыбында өткен фестивальге 300 -ге жуық жас қатысып, олар 8 командаға бөлініп өз-ара бақ сынады. Фестиваль 2 күнге созылмақ. Бұл туралы жауаптылар тарқатып айтты. Айтып өтейік, іс-шараны Шымкент қаласы ішкі саясат және жастар істері жөніндегі басқармасы «Жастар ресурстық орталығы» ұйымдастырды.
АЙГЕРІМ ЖҰМАҒҰЛОВА, ІШКІ САЯСАТ ЖӘНЕ ЖАСТАР ІСТЕРІ ЖӨНІНДЕГІ БАСҚАРМАСЫНЫҢ БАСШЫСЫ
Фестиваль аясында жастар салт-дәстүрлерді театрландырылған көрініс арқылы сахналады. Әрбір қойылымда ұлттық мәдениеттің озық үлгілері мен ата-баба мұрасы көрініс тапты. Қатысушылар бауырсақ пісіру, арқан тарту сынды ұлттық спорт түрлерінен сынға түсті. Фестиваль оларға ерекше рухани серпін сыйлап қана қоймай, жастар арасындағы достықты нығайтуға септігін тигізіпті.
НҰРИСЛАМ ОРЫНБАСАР, ҚАТЫСУШЫ
Фестивальге қатысқан жастар белсенділік танытып, командалық рухты көрсетті. Іс-шара жоғары деңгейде ұйымдастырылып, қатысушылардың көңілінен шықты. Мұндай бастамалар жастардың қоғамдық өмірге белсенді араласуына жол аша бермек.