Мұғалімдердің цифрлық құзыреттілігін арттыруға бағытталған оқыту басталды. Енді Қазақстандық педагогтер жасанды интеллектіні тегін меңгере алады. Оқу-ағарту министрлігіне қарасты «Өрлеу» біліктілікті арттыру орталығы жаңа жобаны іске қосты.
Жоба жасанды интеллектіні педагогтің орнын басу үшін емес, керісінше кәсіби қызметін жеңілдетіп, шығармашылыққа көбірек уақыт бөлуіне жағдай жасайтын құрал. Оқуға қатысу үшін reg.orleu.edu.kz сайты арқылы тіркеліп, LMS платформасында тегін тіркелу мүмкіндігі бар. Бір аптаның ішінде 100 мыңға жуық педагог оқудан өтіп, олардың жартысына жуығы сертификатқа ие болып үлгерген.