Түркістан облысы мен Қытайдың Баян-Ғол аймағы ресми түрде бауырлас өңір атанды. Қос тарап стратегиялық әріптестік туралы келісімге қол қойып, жаңа кезеңге қадам басты.
Түркістанға арнайы келген Баян-Ғол делегациясын облыс әкімі Нұралхан Көшеров қабылдады. Кездесуде өңіраралық ынтымақтастықты дамыту жайы сөз болды.
НҰРАЛХАН КӨШЕРОВ, ТҮРКІСТАН ОБЛЫСЫНЫҢ ӘКІМІ
Қытай – Қазақстанға ең көп инвестиция құйып отырған елдердің бірі. Түркістанда бүгінде құны 125 миллион доллардан асатын бес жоба жүзеге асқан. Оның қатарында күн электр станциясы, түйе сүті ұнтағын өндіретін зауыт пен алюминий бұйымдарын шығаратын кәсіпорын бар. Жақында 270 миллион долларлық тоқыма кластері іске қосылып, мыңдаған жұмыс орны ашылмақ.
ҚАНАТ ШОНБАСОВ, ОБЛЫСТЫҚ ӨНЕРКӘСІП ЖӘНЕ ИНДУСТРИАЛДЫ-ИННОВАЦИЯЛЫҚ ДАМУ БАСҚАРМАСЫ БАСШЫСЫНЫҢ МІНДЕТІН АТҚАРУШЫ
Ал Баян-Ғол делегациясының өкілдері де әріптестік өзара сенімге негізделетінін айтты. Тараптар ауыл шаруашылығы, жеңіл өнеркәсіп, логистика және фармацевтика саласында бірлескен жобаларды талқылады.
ЧЖУ ДАЙЮН, БАЯН-ҒОЛ ОКРУГІ ХАЛЫҚ ҮКІМЕТІ ТӨРАҒАСЫНЫҢ БІРІНШІ ОРЫНБАСАРЫ
Сондай-ақ кәсіпкерлердің B2B кездесулері өтті, өнеркәсіп өнімдерінің көрмесі ұйымдастырылды. Ал қытайлық делегация «TURAN» арнайы экономикалық аймағы мен шағын өнеркәсіптік парктердің жұмысымен танысты. Айта кетейік, болашақта Түркістан мен Баян-Ғол тек экономикада емес, мәдениет пен білім саласында да тығыз байланыс орнатпақ.