Дәстүрлі тамыз конференциясы Қазығұрт ауданында да болып өтті. Мәдениет сарайында ұйымдастырылған келелі кеңеске ағарту саласының майталмандары мен педагогтер қатысты. Үздік ұстаздарға құрмет көрсетіліп, білім саласында атқарылып жатқан жұмыстар таныстырылды.
Тамыз кеңесі – тек ұстаздар қауымының кәсіби жиыны ғана емес. Бұл – еліміздің болашағы, балаларға сапалы білім мен тәлімді тәрбие беру мәселесіне арналған мемлекеттік маңызы бар келелі басқосу. Мұнда ұлттық мақсаттарымыз айқындалып, жеткен жетістіктеріміз сараланып, білім саласындағы өзекті мәселелер талқыланады.
АЗИЗХАН ИСМАИЛОВ, ҚАЗЫҒҰРТ АУДАНЫНЫҢ ӘКІМІ
Бүгінгі ұстаздың назары озық білімді игерген жаңа технологияны меңгерген саналы ұрпақ тәрбиелеуде болуы ғана тиіс .Обылыс бюджетінің 55 пайызы білім саласына бағытталып отыр .Бұл болашақ ұрпаққа салынған нақты инвеститция .Бұл қаржыны әр жылы көбейтіп отыру мемлекеттік салаға ерекше қамқорлығын көрсетеді. Соңғы 3 жылдың өзінде ауданымызда 300 орындық 3 мектеп 200 орындық 5 мектеп ғимараттары пайдалануға берілді.
Қазығұрт ауданында педагогтар қатары жыл сайын артып келеді. Жаңа мектептердің бой көтеруімен бірге білім беру сапасы да жақсара түсті.
ГҮЛНҰР АБИЛХАСОВА, АУДАНДЫҚ БІЛІМ БӨЛІМІ БАСШЫСЫНЫҢ МІНДЕТІН АТҚАРУШЫ
Ауданымызда жалпы педагогтар саны 4269 ды құраса ,оның біліктілі санаты бар 3330 ды құрайды Жас мамандар 939 ды құрайды Қазіргі таңда білім беру ұйымдарнда пәндер бойынша мамандар жетіспеушілігі жоқ
Конференция ұстаздар қауымының қоғамдағы айрықша орнын айқындап берді. Мұғалімдердің еңбегі мен жас ұрпақ тәрбиесіндегі рөліне зор құрмет көрсетілді.