30-31 тамыз күндері Астана қаласында Түркістан облысының ауыл шаруашылығы өнімдеріне арналған жәрмеңке өтеді. Осыған байланысты өңірден 600 тоннадан астам азық-түлік тиелген керуен елордаға жол тартты. Сауда барысында тұрғындарға ет, сүт, көкөніс пен жеміс-жидек өнімдері тиімді бағамен ұсынылады.
Жалпы 610 тоннаға жуық өнім жеткізілмек. Оның ішінде 172,5 тонна көкөніс, 24 тонна картоп, 80 тонна бақша өнімдері бар. Сондай-ақ 51 тонна жеміс-жидек, 100 тонна ет түрлері мен 86,5 тонна сүт өнімдері елорда нарығына жеткізіледі. Бұған қоса тұрғындарға арналған мәдени-спорттық бағдарлама, қолөнер шеберлерінің көрмесі де ұйымдастырылады.
БЕРІК АЛТЫНБЕКОВ, ОРДАБАСЫ АУДАНДЫҚ АУЫЛ ШАРУАШЫЛЫҚ ЖЕР ҚАТЫНАСТАР БӨЛІМІНІҢ БАСШЫСЫ
Бүгінгі таңда қазір Ордабасы ауданының ағымдағы жылы мынау өндірілген ауыл шаруашылық өнімдерін Астана қаласында өтетін Түркістан күні жәрмеңкесіне 30 мың тоннадан аса өнімді алып бара жатырмыз
Еліміз бойынша ауыл шаруашылығы өнімінің 13 пайызы Түркістан облысының үлесінде. Сондай-ақ, өңір агроөнеркәсіптік кешен бойынша өнім көлемі жағынан көш бастап тұр.