Күні кеше тағайындалған әкім орынбасары Арман Сәбитұлы жаңа қызметіне ресми түрде кірісті. Жиын барысында әр басқарма жетекшісіне нақты тапсырмалар жүктеп, орындалу мерзімі мен сапасына ерекше назар аударды. Шымкент қаласының инфрақұрылымын дамытуға алдағы бес жылда ауқымды қаржы бағытталады. 2025–2029 жылдары жылу, электр, су және сарқынды сулар жүйесін жаңғыртуға жалпы құны 19 триллион 742 миллиард теңге инвестиция қарастырылған.
Елімізде 2026 жылға арналған ұлттық жобаларды іске асыруға дайындық жұмыстары басталып кетті. Бұл бағытта 2025 жылға межеленген нақты іс-шаралар жоспары бекітілді. Тамыз айында жобалардың тізімі жасақталып, қыркүйек пен қазан аралығында техникалық және тарифтік мәселелер зерделенеді. Қазан мен қараша айларында операторлар ұсынған бастамалар іріктеліп, жылдық қаржыландыру мөлшері нақтыланады. Жыл соңында техникалық сипаттамалар әзірленіп, мердігер ұйымды таңдау үшін конкурс жарияланады. Ал желтоқсан айында субсидия алуға өтінімдер қабылдау басталады.
АРМАН МӘЛІК, ҚР ПРЕМЬЕР-МИНИСТР ОРЫНБАСАРЫНЫҢ КЕҢЕСШІСІ
Түркістан облысында инженерлік инфрақұрылымды дамытуға қомақты инвестициялар бағытталып отыр. Жалпы құны 36,6 миллиард теңгені құрайтын жобалар аясында 1296 шақырымнан астам желілер жөндеуден өтеді. Атап айтқанда, жылумен қамтуға – 5,4 миллиард теңге, электрмен жабдықтауға – 21,6 миллиард теңге, сумен қамтуға – 7,46 миллиард теңге, ал сарқынды суларды бұруға – 2 миллиард теңгеден астам қаржы бөлінді.
РЗАБЕК МЕҢДІҚҰЛОВ, ЭНЕРГЕТИКА БАСҚАРМАСЫНЫҢ БАСШЫСЫ
Жылу энергетикасы саласында тозудың қазіргі деңгейі 37 пайызды құрайды. Жоспарланған жөндеу шаралары бұл көрсеткішті айтарлықтай төмендетуге мүмкіндік береді. Электр желілерінің тозуы 57 пайызға жеткен. Бұл бағытқа 100 триллион теңгеден көп қаржы бөлініп, 5 мың шақырымнан астам желіні жаңғырту көзделіп отыр. Сумен қамту жүйесінде тозу деңгейі 56 пайыздан жоғары. Ал кәріз желілерінде бұл көрсеткіш 73 пайызға дейін барған. Құйылатын инвестицияның нәтижесінде инфрақұрылым кезең-кезеңімен жаңартылып, 2029 жылға қарай тозу деңгейі орташа есеппен 30 пайызға дейін қысқарады деп болжануда.