Шымкентте заңсыз құрылыспен күрес күшейген. Қалалық жайлы ортаны дамыту басқармасы «Абай парк» аумағында заңсыз салынған құрылысты бұзу бойынша сотқа жүгінген.
Бүгінде Соха мен Инглаштат мейрамханаларын бұзу бойынша сот шешімі шықты. Колизей кафесіне қатысты сот отырысы өтіп жатыр. Аталған саябақта «Ақарыс» футбол алаңы да заңсыз салынған. Жер ресурстарын басқару департаменті тарапынан сот жүріп жатыр. Қалалық жайлы ортаны дамыту басқармасы теңгерімінде 50 ескерткіш бар. 25 нысанда 40 субұрқақ бар. Қала аумағындағы субұрқақтар мен ұңғымаларды күтіп ұстау бойынша ағымдағы жылдың ақпан айында мемлекеттік сатып алу жұмыстары жүргізіліп, жауапты мердігер мекеме «Alem Energo Stroy» ЖШС-і анықталды. Қазіргі таңда мердігер мекеме Орталық саябақ, Абай саябағы, Жеңіс саябағы, Әкімшілік іскерлік аумағындағы Тайқазан субұрқағын толық граниттерін ауыстыру жұмыстары жүргізілуде. Келісім шарт суммасы: 250 млн тг.