Шымкентте Balalem оқу орталығы ашылды. Мекеменің өзгелерден ерекшелігі – мұнда тәрбие мен білім беру бағдарламасы ұлттық құндылықтарға негізделе отырып жасалған. Дәрістер жаңа әдіспен оқытылады. Мектепке дейінгі даярлық және мектеп алды даярлық топтары бар. Қосымша 7 үйірме жұмыс істейді. Ұстаздар тәжірибелі және барлығы кәсіби мамандар. Жаңа орталықтың ашылу салтанатына тілшіміз де қатысып қайтқан болатын. Қанат Жолдасбектің сюжеті.
Қарағанды қаласында 25 жылға жуық жұмыс істеп, өнімді қызмет атқарған «Бал әлем» оқу орталығы жаңа филиалын үшінші мегаполисте ашты. Мұнда даярлық тобынан 4 сыныпқа дейінгі балалар білім алып, таным көкжиегін кеңейтеді. Таңғы 08:00-ден кешкі 18:30-ға дейін үздіксіз жұмыс істейтін мекемеде балалар 4 мезгіл тамақтанып, түрлі үйірмелерге қатысады. Сондай-ақ келу-кету жол тасымалы да қарастырылған. Яғни, ұжым транспортты таңертең балаңызды үйден алып кетіп, сабақ аяқталған соң қайта жеткізеді.
ЖАННА ҚҰТТЫБАЕВА, BALALEM ОҚУ ОРТАЛЫҒЫНЫҢ НЕГІЗІН САЛУШЫ
– «Ұлттық дәстүр, ұлттық құндылықтарды дәріптеу мақсатында ашылып жатыр. Қазақ баласының орыс мектептеріне кетіп қалмауы керек деген мақсатта қолға алғанбыз. Орталыққа мектеп алды даярлық сыныптарынан бастап 4 сыныпқа дейін қабылдаймыз. Толық күн қызмет жасаймыз. Оның ішінде 4 мезгіл тамағымыз, ұлттық құндылықтарға негізделген үйірмелеріміз бар.» - 01:14 // NURKEN4551 //
7 жастағы Арман «Бал әлемге» келгелі жаңа достар тапқанын, қызығушылығына сәйкес үйірмелерге қатысып, пайдалы дағды қалыптастырғанын айтады. Сөзінше, мұнда келгелі жас өреннің мектептегі сабақ үлгерімі жоғарылап, белсенділігі артқан.
Луиза Мұстафа – алты жастағы қызын жетектеп, оқу орнына алып келген. «Басқа емес, «Бал әлемді» таңдауым, орталықтың ұлттық құндылыққа басымдық беріп, мемлекеттік тілге құрмет көрсетуінен», - дейді. Бос уақытын телефонға телміріп, смартфонға шұқшиюмен өткізетін балаға «Бал әлем» таптырмайтын кеңістік.
ЛУИЗА МҰСТАФА, АТА-АНА
– «Қазіргі кезде оқу-орталықтар көп қой. Бірақ, олар бірінші орынға қазақ тілін қоймайды да, ал бұл орталық ұлттық тәрбиені бірінші орынға қойатын болғасын осы жерді таңдап келдік.» , «Тілі дұрыс дамымайды ғой телефон арқылы. Сол үшін осы орталыққа келдік.»
Лентасы қиылып, жұмысын бастаған орталыққа бүгін 30 бала қабылданды. Олар мектеп бағдарламасынан бөлек вокал, домбыра, асық, тоғызқұмалақ, би, дене шынықтыру сынды түрлі үйірмелерге қатысады. Жас шәкірттерге педогог-психолог, филолог, бастауыш маманы, үйірме жетекшісі сынды 12 кәсіби маман дәріс өтеді. Орталық Шалатай Оспанов 76А мекен-жайында орналасқан.