Шымкентте Наурыз мейрамы әлі тойланып жатыр. Еңбекші ауданында 15 жылдан бері жалғасып келе жатқан үрдіс бар. Ауылдың әр жылғы мектеп бітіруші түлектері жылда ақшаңқа үй тігіп, ауыл аймақ тұрғындарына дастархан жаяды. Бұл жолы Бадам-1, Бадам-2 елдімекенінің 1991-1992 жылы бітірген түлектер ұлыстың ұлы күнін кең көлемде атап өтті.
НҰРЛАН ПАЙЗОВ, ТІЛШІ
--- Жұлдыз аумағында дүбірлі той. Еңбекші ауданына қарасты Бадам-1, Бадам-2 ауылының 1991-1992 жылы бітірген түлектер ауыда дүбірлетіп Наурыз тойын тойлап жатыр. Ол жігіттер ауылдың қақ ортасына ақшаңқан үйлер тігіп , келушілер үшін арнайы концерттік бағдарламада ұйымдастырған. Сондай-ақ ашық аспан астында дастархан жайылып, ақ дастарханнан келушілерге дәмдер ұсынылып жатыр. Кішкентай балалар да назардан тыс қалмаған олар үшін үрмелі батуд жұмыс істеп тұр.
Жұлдыз аумағында Наурыз мерекесін атап өту дәстүрге айналған. Бұл күні ауыл аймақ тұрғындары бас қосып, мейрамды кең көлемде атап өтеді. Бұл жолы Бадам-1 Бадам-2 елдімекенінің 2008-2009 жылы мектеп бітірген түлектері Ұлыстың ұлы күнін тойлаудың нағыз үлгісін көрсетті.
ЕРҒАЗИЗ ЕРМАХАНҰЛЫ, ҰЙЫМДАСТЫРУШЫ
---Осы биыл ауылымызда 91-92 жылғылар қосылып осындай үлкен іс-шара жүргізіп жатқан жайымыз бар. Ауылымызға жан жақтағы ауылдардан келіп қатысып, гір көтеру, арқан тартыс, қошқар көтеру спорттарына қатысады. Оларға өзіміздің арнайы сыйлықтарымызды білеміз. Мынау енді ауылымызда осындай тойлар жылда болады. Біз ендігі эстафетаны 93-94-ші жылғыларға тапсырамыз. Ол кісілерде осылай өткізеді ендігі жылы.
Ұлыстың ұлы күнін зор ілтипатпен қарсы алуды дәстүрге айналдырған ауылдықтар биылғы мейрамда 27 киіз үй тіккен. Әрқайсысына мағыналы атау беріп, сыртын ою-өрнекпен, ішін асқа толтырған. бауырсақ, құрт-ірімшік, қымыз, шұбаттан өзге, еттен жасалған тамақтың кең түрі де дастарханның сәнін келтірді. Ал, боз үйге кірген меймандарға наурыз-көже ұсынылды.
КЕҢЕС ЕГЕНҰЛЫ, АУЫЛ БИІ
--- Көрші ауыл деп Бадам-1 Бадам-2 ауылының Наурыз тойын құттықтап, айттарымен құттықтап келіп отырмыз бірқатар ақсақалдарды алып. Айт құтты болсын Шымкент қаласы. Барлығыңызға Наурыз құтты болды. Кеше себептермен Наурыз артқа шегерілген еді. Барлығыңызға қазақтың жаңа жылы, жаңа жылда жаңа табыс отбасыларыңызға береке тілеймін.
Бұл ауылдағы ағайынның ынтымағы көпке үлгі. Наурызды арқа-жарқа қарсы алған тұрғындар бір-біріне жылы лебізін арнады.Іс-шараға Еңбекші ауданының әкімі де жиналғандарды Ұлыстың ұлы күнімен құттықтауға арнайы келген.
ДОСБОЛ ЕСІЛБЕК, ЕҢБЕКШІ АУДАНЫНЫҢ ӘКІМІ
--- Еңбекші ауданына қарасты Жұлдыз аумағында 6 елдімекен бар. Ауыл билерінің ұйымдастыруымен мәслихат депутаты Байкен Әшірбаевтың бастауымен ұлыстың ұлы мерекесі әз наурызды ұйымдастыру салт дәстүрге айналған. Бүгінгі іс-шара Бадам елдімекенінде өтуде. Бұл жерде киіз үйден бастап ұлттық ойындарды өткізу жоспарланып отыр.
Наурыз мерекесіне арналған іс шарада ұлттық ойындардан жарыс өтті. Ерлер жағы арқан тартып, қошқар көтерді. Мерекелік кеште мектеп оқушылар мен ауданның өнерпаздары күмбірлетіп күй тартып, әсем әуен асқақтатты.