«Таза Қазақстан» экологиялық акциясына шымкенттік 317 мыңға жуық адам қатысқан. 2 301 өндірістік және кәсіпкерлік, 687 әлеуметтік нысан жұмылдырылып, 10 145 бірлік техника қызмет еткен. 24 мың тонна тұрмыстық қалдық шығарылған.
Өткен жылы 200 мыңға жуық ағаш көшеті отырғызылды. 2025 жылы да «Таза Қазақстан» экологиялық акциясы жалғасып, наурыз айынан бастап жыл соңына дейін апта сайын жалпыға бірдей сенбілік жұмыстары өткізілуде. Оған күнделікті 2000-нан аса жұмысшы, 150 арнайы техника жұмылдырылуда. Қала тұрғындары, ардагерлер мен зиялы қауым өкілдері, қоғам белсенділері, мекеме қызметкерлері және ерікті жастар белсене атсалысуда. Жоспарға сәйкес, 2025 жылы қала аумағында экологиялық ахуалды жақсарту мақсатында ауқымды «Таза аула», «World clean-up day» (Уорлд клиэн-ап дэй) сияқты тазалық іс-шараларын өткізу, 220 мыңға жуық ағаш көшетін отырғызу, 24 көшені көгалдандыру жоспарланған.
Қала тұрғындарының тазалыққа қатысты ұсынысы мен шағымын қабылдайтын телеграм желісіндегі «TazaQazBot» платформасы іске қосылғаннан бастап бүгінге дейін жалпы саны 212 өтінім келіп түскен. Оның ішінде 164 өтінім бойынша тиісті жұмыстар толық орындалып, 8 өтінім бойынша жұмыстар жүргізілуде. Тұрғындардың нақты мәселелерді көрсетпеуі немесе мекенжайларды белгілемеуі себебінен 40 өтінім бас тартылды.