Енді қаланың халық көп шоғырланатын жерлерінде дабыл түймелер жүйесі енгізіледі. Тұрғындар оқыс жағдай бола қалған жағдайда батырманы басып, бірден полиция департаментінің жедел басқару орталығымен байланысқа шыға алады.
Әр SOS батырмасы камера, динамик, микрофонмен жабдықталған. Дабыл түскен бойда жақын маңдағы патрульдік жасақ, болмаса учаскелік полицейлер жедел жетеді. Айта кетейік, мұндай құрылғылар вандализмге төзімді келеді. Жуық арада қала аумағында қосымша 50 құрылғы орнатылмақ. Полиция департаментінің мәліметінше, бұл төтенше жағдайларға әрекет ету уақытын едәуір қысқартады.