Түркістан облысының әкімі Нұралхан Көшеров шетелдік инвесторлармен кездесті. Кездесу барысында аймаққа инвестиция салу, өндірістік әлеуетін көтеру жөнінде келіссөз жүргізілді. Өңір басшысы инвесторларға өңірде жұмыс жасау үшін қолайлы жағжай жасалғанын жеткізді.
Түркістан облысы еліміздің қарқынды дамып келе жатқан өңірлерінің бірі және үлкен инвестициялық, туристік әлеуетке ие. Өңір арқылы өтетін «Батыс Еуропа – Батыс Қытай» халықаралық көлік дәлізі әлемдік нарыққа шығудың жаңа мүмкіндіктерін ашады. Аймақтың агроөнеркәсіптік кешені елімізде көш бастап тұр. Республикадағы жалпы өнім көлемінің 13 %-ы өңірге тиесілі немесе 1 трлн теңгеден астам қаржының өнімі өндіріледі. Индустриалды аймақтар және арнайы экономикалық аймақтардан инвесторларға жеңілдіктер қарастырылған. Мұның барлығы кездесуде ашып айтылды. Қытайлық инвесторлар инвестициялық мүмкіндіктер мен қолдауларға ризашылығын білдірді. Олар ауыл шаурашылығы мен терең өңдеу салалары бойынша жобаларды жүзеге асыруға дайын екенін жеткізді. Астық саудасымен айналысатын қытайлық компания биыл жаңа жобаларын іске асыруды жоспарлап отыр.