Алдағы 4 жылда Түркістанға келуші туристер саны 1 млн-ға жетуі мүмкін. Бұл туралы облыстық туризм басқармасының басшысы Нұрдәулет Медеуов әкімі аппаратының апталық мәжілісінде баяндады. Оның айтуынша, өңірге келуші туристердің әртүрлі категориялары бойынша нақты көрсеткіштер белгіленген.
Атап айтқанда, 2029 жылға дейін орналастыру орындарында қалған туристер саны 550 мың адамға жетуі тиіс. Осы арқылы өңірдің қонақүйлері мен туристік инфрақұрылымының деңгейін көтеру көзделуде. Табиғи аумақтарға келушілер санын да 200 мыңға, ал емдік-сауықтыру орындарына келетіндерді 250 мыңға жеткізу жоспарлануда. Жаңа қызмет түрлерін кеңейту керегін де тілге тиек етті. Агротуризм, спелеотуризм, белсенді экстримальді туризм, сафари туризмі және жаңа мұражайлардың қызметтерінін жаңғырту да басты назарда. Өз кезегінде облыс әкімі Нұралхан Көшеров те аймақтың туристік мүмкіндігі толық қолданылмай тұрғанын ескертіп, жауаптыларға тиісті тапсырма жүктеді.
НҰРДӘУЛЕТ МЕДЕУОВ, ТУРИЗМ БАСҚАРМАСЫНЫҢ БАСШЫСЫ
--- Жоспар 3 негізгі кластерді қамтиды: этнокластер, экокластер және курорттық кластер. Облысымызда туристердің жиі баратын негізгі 35 туристік нысан бар. Аталған бағыт бойынша, туристік нысандардың паспортарын жаңарту, туристік бағдарларды ретке келтіру, Жібек Жолы өткізу пункті, Укаш ата, Арыстанбаб, Түтті бұлақ, Сайра бөге ұлтық табиғи паркінде визит орталықтарының ьқызметін қосуды жоспарлап отырмыз.