Қыз ұзату, беташар, құдалық секілді қазақтың салт дәстүрі дәріптелді. Мұның барлығы Наурыз тойда көрініс тапты. Академик Әбдімұса Қуатбеков атындағы Халықтар достығы университетінде түркі жұртына ортақ мейрам ерекше аталып өтті.
Оқу ордасы ерекше құлпырды. Киіз үй, дәстүрлі тағам, ұлттық киім киген студенттер мен оқытушылар мейрамның ажарын ашты. Әр кафедра қазақтың салтын дәріптеуден өзара жарысты. Мұндай шараның өскелең ұрпаққа берері мол –дейді университет басшысы.
РАБИҒА ҚУАТБЕКОВА, АКАДЕМИК ӘБДІМҰСА ҚУАТБЕКОВ АТЫНДАҒЫ ХАЛЫҚТАР ДОСТЫҒЫ УНИВЕРСИТЕТІНІҢ РЕКТОРЫ
--- Наурыз айы өте жылы мереке. Барлық табиғат оянып жатыр. Наурыз бізді білімге дамуға жаңалыққа шабыттандыратын мереке. Бұл іс-шараның басты мақсаты салт-дәстүрге қазақи құндылықтарға дәріптейтін мереке ғой енді. Жастарға дәріптеу оны көрсету бойынша іс шара өтіп жатыр.
Академик Әбдімұса Қуатбеков атындағы Халықтар достығы университетінде түрлі ұлт өкілдері білім алады. Мерекелік жиындарда жастар бір қолдың саласындай бірігіп қазақтың дәстүрін дәріптеп, ынтымақтың үлгісін көрсетіп жүр. Кеш қонақтары білім ордасындағы бірлікке тәнті.
ҚУАНЫШ БОТАБЕКОВ, HAN TV АРНАСЫНЫҢ ДИРЕКТОРЫ
--- Іс –шара өте ынтымақты өтеді дәстүрді қатаң сақтайды. Бүл өзгелерге үлгі болады деп ойлаймын. Әз Наурыз құрбан айт құтты болсын.
Студент жастар жиынның маңызын артырып, ортақ шараның шырайын ашты.
АЙГЕРІМ ОРДАЛИЕВА, СТУДЕНТ
---- Баршаңызды наурыз мерекесімен құтықтаймын. Бұл жиынның мақсаты дәстүрімізді дәріптеу.
Университеттің 25 жылдық тарихы бар. Ширек ғасырда ұжымның бағындырған белестері жетерлік. Бұл күнде білім алушы жастарды жатақханамен, түлектерді жұмыспен қамтуда. 13 мыңнан астам бокалавр магистр пейжди докторлар 34 білім бағдарламасы бойынша білім алуда.