«Зорлық-зомбылықсыз 16 күн» акциясы өз жалғасын табуда. Акция аясында Әл-Фараби алаңында жастардың қатысуымен флешмоб ұйымдастырылып, «Біз зорлық-зомбылыққа қарсымыз» тақырыбында плакаттар ілінді.
Әйелдерге қатысты зорлық-зомбылықтың ең көп таралған түрі отбасылық тұрмыстық зорлық-зомбылық, яғни ерлі-зайыптылар арасындағы жанжалдар. Сондай-ақ зейнеткерлер зомбылықтың құрбаны болып жатады. Көптеген адамдар мұндай жағдайларда қайда бару керектігін білмейді немесе айтпай одан әрі ушығып кетеді деп қорқады. Әйелдер мен балаларды қорғау-қоғамның басты міндеттерінің бірі дейді мамандар.Осыған байланысты аталған бағытта жасөспірімдер мен әйелдер арасында кездесулер жиі өткізіліп жатыр екен.
Жыл сайын ұйымдастырылатын бұл акцияға жастардың қатысуы міндетті. Алаңға жиналған жастар «Зорлық-зомбылыққа жол жоқ» , «Біз зорлық-зомбылыққа қарсымыз» сөздері жазылған парақшалар мен шар ұстап флэшбом биледі.Ұйымдастырушылардың сөзінше күн сайын зорлық-зомбылықтан қорлық көргендер қатары көбеюде ,мұның басты шешімі заңды күшейту дейді коммисия мүшесі.
Жалпы акцияның мақсаты ана мен баланы қорғау,сондай-ақ отбасылық құндылықтарды қалыптастыру.