Ашық аспан астындағы кездесу. Қала әкімі Ғабит Сыздықбеков тұрындарды тойханада немесе концерт залында емес, көпқабатты үй аулаларындағы балалар алаңшасына жинап, кездесу ұйымдастырып жүр. Көшпелі кездесуде қала басшысына халық көкейдегі сұрақтарын қойып, күрмеулі мәселелерін айтты. Ал көтерілген проблемалар қашан шешімін табады? Әріптесім сюжетте айтып берсін.
Қала басшысы келгенше сабыр сақтаған тұрғындар әкім келе сала кезекке таласып проблемасын жеткізуге асықты.
Әл-Фараби ауданында инфрақұрылым мәселесі шешімін тапқанымен коммуналдық проблемалар күрделі.
Әкіммен кездесуге алыс-жақын маңдағы шағынаудан тұрғындары көп жиналған. Біразы өздері тұрып жатқан көпқабатты үйдің мәселесін арқалай келген. Мәселен Рауля Жакупова үйіне кәріз жүйесін жүргізер кезде мердігер мекеме салғырттық танытты деп отыр. Себебі орнатылған құбырлар стандартқа сай емес. Сонымен қатар қала әкімен жол мәселесін де айтты.
Кездесуде Ғабит Сыздықбеков көп күттірмейтін мәселені орнында шешіп берді. Ал уақыт талап ететіндерін басқарма басшыларымен аудан әкіміне тапсырып, ертерек шешіп беруін жүктеді.