Азаматтық алянс бірлестігі -  қоғам мәселелеріне белсене араласып, түйіткілдердің күрмеуін тарқатуға тырысады. Осы мақсат аясынада аудан, ауыл халықының жағдайына сараптама жасап, мүмкіндігі шектеулі жандарға, әлеуметтік осал топ өкілдеріне қол ұшын созады. Аталған ұйым соңғы он ай ішінде нендей шаруаларды атқарып, халық керегіне жарады? Толығырақ тілші материалында.

«Достық үйінде» өткен салтанатты іс-шараға облыс әкімінің орынбасары Ертай Алтаев арнайы қатысып, аталған ұйымның өзін-өзі басқару жүйесін нығайтуда маңызды рөл атқаратынын атап өтті. Қоғам мәселелеріне үн қатып, ұдайы шешім жолдарын ұсынатын бірлестік көпке ұйымшылдығымен үлгі, дейді ол.

Азаматтық ұйым түрлі жобаларды қолға алып, қоғамға пайдалы болуды көздейді. Өнер, ғылым, білім салаларына араласып, оның дамуы мен өркендеуіне атсалысады. Іс-шарада жауаптылар атқарылған жұмыстар легін таныстырып баяндама жасады. Алдағы жоспарларымен бөлісті.

Шара соңында облыстың дамуына ықпал еткен 12 жобаның жеңімпаздары марпатталып, арнайы алғыс хаттар табысталды.