Шымкенттің үздік жүргізушілері анықталды. Мегаполис полицейлері ерекше рейд ұйымдастырып, заң ережесін бір-де бір рет бұзбаған автокөлік тізгіндеушілерін анықтап марапаттады.
НҰРЛАН ПАЙЗОВ, ТІЛШІ:
Рейдтік іс-шара барысында потрульдік полиция қызметкерлері қала көшелерінде автокөліктерді тоқтатып, тізгіншілердің жүргізуші куәлігін тексерді. Көлік басқару құқығын айғақтайтын куәлікті алған күннен бастап жолда жүру қағидасын бұзған бұзбағанын анықтады. Олардың арасында 57 жастағы Шахадат Саитова бар. Қала тұрғыны 20 жылдан астам көлік жүргізіп келеді. Осы уақыт ішінде жол қозғалысы ережелерін бірде-бір рет бұзған емес.
НҰРЛАН ПАЙЗОВ, ТІЛШІ:
Іс-шара барысында жол ережесін бұзбай көлік тізгіндеген жүргізушілер көптеп анықталды. Барлығын тәртіп сақшылары қалалық полиция департаменті бастығының алғыс хаттарымен марапаттады. Ерекше іс-шараны тәртіп сақшылары қауіпсіз жол қозғалысын насихаттау және көлік жүргізу мәдениетін арттыру мақсатында жүйелі түрде өткізуді жоспарлап отыр.