Елім деген ерді ел де еледі. Әл-Фараби мектебі Абай оқуларына демеушілік жасап, оқушылар мен ұстаздарға Хәкім қара сөздерінің 500 данасын сыйлаған кәсіпкерге құрмет көрсетіп, арнаулы сыныпқа атын берді. Атымтай жомарт атанған азамат кәсіп бағытын білім саласына бұрып саналы буынның сапалы алуына күш жұмсап жүр.

Есбол Әуесбекұлы - «Құрмет» ордені мен «Ел ардақтысы» медалінің иегері, Арыс және Отырар ауданының құрметті азаматы. Жастар жанашыры. Осылай деген Ақын, Жазушылар одағының мүшесі Абай Қалшабек кәсіпкерлердің білім саласына ден қойып, инвистиция жасауы «Жаңа Қазақстанның» болшағын жарқын етеді, - дейді.

АБАЙ ҚАЛШАБЕК, АҚЫН, ҚР ЖАЗУШЫЛАР ОДАҒЫНЫҢ МҮШЕСІ
 – «Әдетте кәсіпкерлер халықтан оқшауланып бөлек жүреді ғой. Ал бұл кісі өте қарапайым. Елді ел қылатын құндылық білім. Кәсіпкерлердің білім саласына бет бұрып жатқаны мені өте қуантады.»

 Ұлтқа қызмет етуді азаматтық борышына балайтын кәсіпкер Әуезов сөзін ұран еткен. «Халықпен халықты, адаммен адамды теңестіретін – білім» дейді ұлы жазушы. Өзі де бес бірдей мамандықты игеріп, жан-жақты біліммен қаруланған тұлға ізінен ерген жас өренге ілім-ғылымды насихаттап келеді. Мақсат аясында бірқатар балабақша мен мектеп ашып 700-ден аса азаматты жұмыспен қамтып отыр.

ЕСКЕРМЕС ҚАМБАРОВ, АҒАСЫ
 – «Бір қарағанда сабырлы болып көрінеді. Бірақ өте шыдамсыз. Алға қойған мақсатын жүзеге асырып, шыңына жетпейінше тыным таппайды. Ақкөңіл, мейірбан, кімге де болса жақсылық жасағысы келіп тұрады.»
МАЙРА АПТӨРЕҚЫЗЫ, РЕЖИССЕР
 – «Қаншама білім саласына, балалардың білімін шыңдау бағытында ұшан-теңіз еңбек етіп жүрген азамат.»
 Есбол Әуесбекұлы – Түркістан облыстық баскетбол федерациясының президенті. Іскер азамат спорт саласына да еселі үлес қосып, мардымды нәтиже көрсетіп келеді. Қыздар құрамасы үш жыл қатарынан ел кубогын еншілеп, облыс атағын аспандатып жүр.

ЕСБОЛ ҚАМБАРОВ, КӘСІПКЕР
– «Білім саласында денсаулық сақтау саласында еліміз ақсап тұрғанын көзіміз көрді. Сосын кәсіпкерлер ақылдаса келе осы бағытты таңдадық. «Әл-Фараби» мектебі мен «Финбринж» мектебін аштық»
Іс-шарада кәсіпкер атына берілген кабинеттің салтанатты лентасы қиылып, зиялы қауым өкілдері сөз сөйледі. Есбол Әуесбекұлы тұлғасы таныстырылып, жасаған жұмыстары жайында ақпарат берілді.