2024 жылы Қазақстанда жаңа туған балаларға қойылған ең танымал есімдер рейтингінде елеулі өзгерістер болды. Ұлттық статистика бюросының мәліметтері бойынша, ер балалардың есімдері арасында көшбасшы орынға Мұхаммед есімі шықты, ол 2014 жылдан бері рейтингті бастап келген Алихан есімін алмастырды.
Бұған дейін топ-10 есімдер қатарына кірген Нұрислам есімі 2024 жылы тізімнен шықты. Жалпы былтыр Мұхаммед есімі 3633 балаға қойылған, ал Айсұлтан атты 2862 сәби дүниеге келген. Одан кейін ұл балаларға Алихан, Мухаммад, Омар, Алдияр, Амир, Алан, Али, Хамза есімдері жиі қойылған. Қыз балаларға қойылған танымал есімдер қатарында алғаш рет Мариям есімі кірді, ол Амина есімін ығыстырды. Рейтингтің бірінші орнында Айлин есімі қалды. 5578 қыз балаға осы есім қойылған. Екінші орында Медина атты 5417 сәби дүниеге келген. Одан кейін Асылым, Айша, Томирис, Аяла, Айым, Мариям, Раяна, Сафия есімдері көп болған. Ұлттық статистика бюросының соңғы мәліметтері бойынша 1 желтоқсанда Қазақстанда 20 265 320 адам тұрды. 2024 жылдың басымен салыстырғанда қазақстандықтар саны 231 478 адамға көбейді.